Un futuro incerto

A crise e a tecnoloxía ameazan o meu futuro. Cada ano aumentan os licenciados o tempo que se reducen as redaccións. Internet está a mudar a maneira tradicional de facer xornalismo e agora todos podemos chegar a ser xornalistas. Deixando de lado a obsoleta metodoloxía de ensinanza que creo que recibimos, que polo que levo comprobado dista moito dá realidade profesional coa que nos atopamos o saír dá facultade, na miña opinión o principal problema do xornalismo actual é que a profesión non evoluciona o mesmo tempo que as novas tecnoloxías. Un claro exemplo desta discordancia son os xornais dixitais. A maioría destes nacen como copias na web do xornal en papel. Así mesmo outros medios como a televisión e a radio usan a web como un soporte publicitario e non como outra alternativa de comunicación. Supoño que como en todos os negocios, e o xornalismo hoxe en día é un mais, o problema radica en como gañar cartos a través dun medio tan incontrolable. Non creo que aínda sexa o final dos xornais de rotativa, polo menos non noso país, posto que a banda ancha en España aínda é moi cara e non é accesible a toda a poboación. Creo que a miña opción despois de oito anos de formación, tras os meus estudos de historia e xornalismo, será continuar aprendendo e especializarme nun campo porque a competencia é dura e mais nos tempos que corren. Desde cativa quixen ser xornalista ou escritora non seu defecto, e dende logo agora non me vou render por mui incerto que sexa futuro, sempre hai opcións e si me teño que adaptar a novos soportes e novas formas de facer xornalismo fareino sen dudalo.