Novas vías de escape para o xornalismo: o futuro está na lingua

Outro martes mais, o Xornal GaliciaHoxe publica no suplemento Universidade os artigos de tres novos estudantes de xornalismo da facultade de Ciencias da Comunicación da Universidade de Santiago. Estes mozos opinan sobre o seu futuro profesional sen pelos na lingua.
Tanto Rocío Álvarez, como Santiago Agra e Marta Rial encamiñan a súa profesión ó ciberespazo. Ademais como os seus anteriores compañeiros falan de incerteza e temor aínda que avogan porque a figura do xornalista non desaparecerá.
Santiago Agra introduce unha nova vía de escape a crise que vive o sector. Para este mozo compostelán o uso do galego na rede abre a porta á comunidade lusófona, “un universo emerxente tanto política como economicamente en África e América”, engade.
Quizais o aspecto mais significativo dos artigos de Rocío e Marta son esa certeza, a única que mostran, de que os xornalistas non desaparecerán xa que como apunta Rial “a responsabilidade que esixen as noticias fai que teñan que estar feitas por profesionais”.